Սերխիո Ռամոսը տարավ 100-րդ հաղթանակը Իսպանիայի հավաքականի կազմում
2016թ. Եվրոպայի առաջնության որակավորման 8-րդ տուրի շրջանակներում Իսպանիայի հավաքականը արտագնա խաղում 1:0 հաշվով հաղթեց Մակեդոնիայի հավաքականին: Այս հաղթանակը Սերխիո Ռամոսի համար դարձավ 100-րդը ազգային հավաքականի կազմում: Այս ցուցանիշով 29-ամյա ֆուտբոլիստը հավասարվեց Խավիին, ով արդեն ավարտել է ելույթները հավաքականում:
Նրանցից առաջ է միայն Իկեր Կասիլիասը, ով տարել է 118 հաղթանակ: Այս արդյունքը լավագույնն է հանդիսանում ոչ միայն Իսպանիայի հավաքականի համար, այլ նաև ամբողջ համաշխարհային ֆուտբոլի համար:
Պատրաստեց Անի Գաբուզյանը
