Լավրովն ու Քերին կարող են հանդիպել ՄԱԿ-ի գլխավոր ասամբլեայում
ՌԴ արտգործնախարար Սերգեյ Լավրովը Նյու Յորքում՝ ՄԱԿ-ի Գլխավոր ասամբլեայի շրջանակում, կարող է հանդիպել ԱՄՆ պետքարտուղար Ջոն Քերիի հետ, հայտնում է RIA Novosti-ն:
Այդ մասին հայտարարել է ՌԴ արտգործնախարարության պաշտոնական ներկայացուցիչ Մարիա Զախարովան: Նրա խոսքով՝ հանդիպումը կարող է տեղի ունենալ գրաֆիկի համընկման դեպքում:
«Ես կասկած չունեմ, որ եթե նախարարների գրաֆիկները թույլ տան, նման հանդիպում կարող է տեղի ունենալ: Լավրովն ու Քերին ռեկորդային թվով հանդիպումներ են անցկացնում, կարծում եմ, երկկողմ հարաբերությունների ողջ պատմության ընթացքում»,- ասել է նա:
Նրա խոսքով՝ դեռ հայտնի չէ՝ ԱՄՆ-ի կողմից նման հանդիպման կազմակերպման դիմում ստացվե՞լ է, թե՞ ոչ:
