Հարստանալու 3 գաղտնիք մոլորակի ամենահարուստ մարդկանցից մեկից՝ Կառլոս Սլիմ Էլուից

73-ամյա մեքսիկացի գործարար Կարլոս Սլիմ Էլուն նախորդ տարի իր ունեցվածքն ավելացրեց 5,1 միլիարդ դոլարով: Ներկայումս նրա ունեցվածքը կազմում է 77,1 միլիարդ դոլար: Նրա բիզնեսի աղբյուրներն են Grupo Carso-ը, Grupo Financiero Inbursa-ը, և Ideal-ը: 5sfer.com կայքն առանձնացրել է այն երեք գաղտնիքները, որոնց շնորհիվ Կառլոս Սլիմ Էլուն դարձել է միլիարդատեր:

Գաղտնիք 1

Կառլոսի գլխավոր նպատակը միշտ մեկն էր՝ հարստանալ:

Իր ամբողջ կյանքում Կառլոս Սլիմ Էլուն ձգտել է միայն մեկ նպատակի իրականացմանը՝ հարստանալու: Չնայած մյուս բոլոր իրադարձություններին, անհաջողություններին, սխալներին, հարստանալու ձգտումը նրա համար միշտ առաջին տեղում էր: Դա նրա կյանքի իմաստն էր: Այդ պատճառով՝ առանց ձեռքերը ծալելու, համառորեն նա գնում էր իր նպատակի հետևից:

Գաղտնիք 2

Հայտնի միլիարդատերն ուներ լավ ուսուցիչ

Ուսուցչի դերում հանդես էր գալիս հայրը, ով և տվել է նրան բիզնես-գիտելիքներ: Երբ ապագա միլիարդատերը դարձավ 12 տարեկան, հայրը նրան տետր տվեց, որտեղ նա պետք է շարունակ նշեր իր ծախսերն ու եկամուտները: Հետո նրանք մանրազնին վերլուծություն կատարեցին:

Այդպիսով, դեռ վաղ հասակից շատ փող ունենալու ցանկությունը նրա համար կարևոր դարձավ: Զարմանալի չէ, որ այդ տարիքում նա արդեն հաշվեհամար է բացում Մեքսիկայի՝ մեծությամբ երկրորդ բանկում՝ բաժնետոմսերի գնման համար:

Գաղտնիք 3

Համալսարանն ավարտելուց հետո Կառլոսն անմիջապես գործի է անցնում:

Բիզնեսմենի հաջողության երրորդ գաղտնիքը այն է, որ սկսում է երազանքի կատարումը՝ առանց հետաձգելու, միանգամից համալսարանն ավարտելուց հետո՝ բացելով սեփական ընկերությունը, որը մասնագիտացած էր անշարժ գույքի ոլորտում:

Թարգմանությունը՝ 168.am-ի