Ամուսինների սպանության գործով ենթադրյալ կասկածյալի վիճակը կայուն ծանր է. նա կրակել էր քունքին` փորձելով ինքնասպան լինել
Երևանի Կարապետ Ուլնեցի և Բաբայան փողոցների խաչմերուկում տեղի ունեցած կրակոցների գործով ենթադրյալ կասկածյալը երեկ տեղափոխվել է «Սուրբ Գրիգոր Լուսավորիչ» բժշկական կենտրոն: 168.am-ի հետ զրույցում բժշկական կենտրոնից հայտնեցին, որ նրա վիճակը գնահատվում է կայուն ծանր, նա վիրահատվել է:
Նշենք, որ երեկ կրակոցներ էին արձակվել Կ. Ուլնեցի փողոցի 30 շենքի բնակիչներ Հովհաննես Մխիթարյանի և նրա կնոջ` Լուսինե Մխիթարյանի ուղղությամբ, ովքեր ստացած հրազենային վնասվածքներից մահացել էին: Ըստ Ոստիկանության հաղորդագրության` ենթադրյալ կասկածյալին ոստիկանության ծառայողները նկատել են ենքի 1-ին մուտքի նկուղ տանող աստիճանահարթակում, ով, նկատելով ոստիկանության ծառայողներին, իր մոտ պահվող ապօրինի ատրճանակից կրակել է իր քունքին` փորձելով ինքնասպան լինել:
