Porsche-ն Ֆրանկֆուրտի ավտոսրահում կներկայացնի միանգամայն նոր մոդել
Porsche ընկերությունը սեպտեմբերին Ֆրանկֆուրտի ավտոսրահում կներկայացնի միանգամայն նոր մոդել՝ Pajun-ը (Panamera Junior), հայտնում է L’Automobile Magazine-ը:
Նորույթը, ըստ փորձագետների, կարող է լրջորեն մրցակցել Tesla Model S-ի հետ:
Ավտոսրահի մասնակիցները կկարողանան տեսնել նոր կոնցեպտն ուժային սարքավորումների երեք տարբերակներով՝ բենզինային-դիզելային, հիբրիդային ու ամբողջությամբ էլեկտրական:
Հաղորդվում է, որ Porsche Pajun-ի երկարությունը կկազմի մոտ 4,8 մ (մոտավորապես 20 սմ-ով պակաս, քան Porsche Panamera-ն է):
Ընկերության պաշտոնական ներկայացուցիչները չեն անվանում շուկա մոդելի դուրս գալու հստակ ժամկետ, սակայն դա տեղի կունենա 2018 թվականից ոչ շուտ:
