Ֆեն-շուի 7 արգելքները

Գոյություն ունի Ֆեն-շուի 7 հիմնական արգելք, որոնք նպաստում են բացասական էներգիայից ձերբազատմանը և տունը հաջողությամբ լցնելուն:

Արգելք – 1:

Ֆեն-շուի գլխավոր արգելքներից մեկը խոհանոցի և հյուրասենյակի միացման արգելքն է:

Քանի որ Ֆեն-շուի կանոնների համաձայն՝ հյուրասենյակը մարտկոց է, որտեղ կուտակվում է մարդու հաջողությունը և հատկապես՝ ընտանիքի գլխավորի հաջողությունը: Եթե Դուք միացնեք խոհանոցը հյուրասենյակին, ապա դա կհանգեցնի նրան, որ հաջողությունը կարող է ամբողջությամբ հեռանալ այդ տնից, և ծայրահեղ դժվար կլինի այն նորից հետ վերադարձնելը: Այս 2 տարածքների միացումը կհանգեցնի Ցի էներգիայի կուտակման խախտմանը:

Արգելք – 2:

Հին, անպետք, առավել ևս՝ կոտրված իրերի պահպանման և պահեստավորման արգելք:

Չէ՞ որ ճաքած սպասքը կարող է Շա-Ցի բացասական էներգիայի կուտակման տեղ ծառայել: Եվ եթե այն անընդհատ օգտագործվի, ապա այդ էներգիան կարող է անցնել մարդկանց: Այդ էներգիայի կուտակումը մարդու մեջ կարող է հանգեցնել հաճախակի վեճերի, և հաջողությունը կարող է երես թեքել: Կոտրված իրերն անհրաժեշտ է գցել նաև նրա համար, որ կոտրվելով՝ դրանք իրենց մեջ են հավաքում մարդու ինչ-որ պրոբլեմ:

Արգելք – 3:

Հին իրերի կույտ, որոնք հենց այնպես, սովորության համաձայն, պահպանվում են:

Դարակների վրայի այսպիսի կույտերը դառնում են բավականին ուժեղ աղբյուր` բացասական Շա-Ցի էներգիայի համար: Հատկապես վտանգավոր է, եթե այդ կույտերը գտնվում են մարդու առողջության և ընտանիքի համար կարևոր գոտում, այդ ժամանակ հաջողությունը երկար ժամանակ տուն չի մտնում: Այն ամենը, ինչն արդեն պետք չէ, հարկավոր է առանց ափսոսանքի գցել:

Արգելք – 4:

Ֆեն-շուի ևս մեկ արգելք վերաբերում է սանտեխնիկային և կաթացող խողովակներին:

Քանի որ սանհանգույցը տան ամենաանբարենպաստ գոտիներից մեկն է: Հենց այս գոտիով է տունը լքում դրական էներգիան, փողը, հաջողությունը և այլն: Իսկ խափանված ծորակն ավելի է խորացնում դրությունը:

Արգելք – 5:

Արգելք հայելիների այնպիսի տեղադրման, որպեսզի նրանց մեջ չարտացոլվի մուտքի դուռը:

Դրական էներգիան, որպես կանոն, տուն է մտնում մուտքի դռնով: Եվ եթե հայելի դրվի դրա առջև, ապա դուռը կարտացոլվի, և էներգիան արտացոլվելով՝ անմիջապես դուրս կգա:

Արգելք – 6:

Ֆեն-շուի արգելքներից մեկը վերաբերում է աստիճաններին:

Աստիճանների միջև ոչ մի լուսաշերտ չպետք է լինի նրա համար, որպեսզի դրական Ցի էներգիան չլքի տունը: Այլ կերպ էներգիան կբարձրանա վերև և դուրս կգա տանից:

Արգելք – 7:

Չի կարելի դռան վերևում տեղադրել այնպիսի իրեր, ինչպիսիք են ժամացույցը և «քամու երաժշտությունը»:

Ընդ որում, ոչ մի կերպ չի կարելի տեղադրել նույնիսկ դռան մոտ, էլ չասած՝ հենց դռան վերևում: Դա կարող է շատ անհաջողությունների պատճառ դառնալ:

Պատրաստեց Անի Գաբուզյանը