Կահիրեում Իտալիայի հյուպատոսության մոտ հզոր պայթյուն է որոտացել
Հզոր պայթյուն է որոտացել Եգիպտոսի մայրաքաղաքի կենտրոնում, հայտնում են տեղի լրատվական գործակալությունները՝ վկայակոչելով ականատեսներին:
Զոհերի ու ավերածությունների մասին դեռ տեղեկություններ չկան:
Ինչպես հայտնում է AFP-ն, հղում կատարելով եգիպտական MENA գործակալությունը, պայթյունը տեղի է ունեցել Կահիրեում Իտալիայի հյուպատոսության մոտ: Տեղի ունեցածի պատճառները ճշտվում են:
Ավելի վաղ իսլամիստ զինյալները, որ հանդես են գալիս երկրի ներկայիս իշխանությունների դեմ, իրենց վրա էին վերցրել Եգիպտոսում մահապարտ ահաբեկիչների իրականացրած պայթյունների պատասխանատվությունը:
