Զարուհի Փոստանջյանը մտահոգ է Դավիթ Սանասարյանի համար
Քիչ առաջ Ազատության հրապարակում լրագրողների հետ զրույցում «Ժառանգություն» խմբակցության պատգամավոր Զարուհի Փոստանջյանը ասաց, որ մտահոգված է Դավիթ Սանասարյանի առողջությամբ և հույս ունի, որ նա այսօր կդադարեցնի հացադուլը։
Լրագրողներից մեկի այն դիտարկմանը, թե կարծիքներ կան, որ այս շարժումը տարվում է իշխանափոխության՝ Զարուհի Փոստանջյանը պատասխանեց, որ պետք է ամեն ինչ արվի, որպեսզի Հայաստանում տեղի ունենան արդար ընտրություններ և իշխանությունները լինեն ժողովրդի կողմից ընտրված։
Հարցին՝ այսինքն դուք կո՞ղմ եք, որ Սերժ Սարգսյանի հրաժարականի պահանջ դրվի, պատգամավորն այսպես պատասխանեց. «Սերժ Սարգսյանը պետք է մաքրվի և դուրս շպրտվի Բաղրամյան 26-ից»։
