Երևանում ոստիկանությունը պատրաստվում է ցրել ցուցարարներին. BBC Russian
Հայաստանի ոստիկանությունը կոչ է արել ցուցարարներին լքել Բաղրամյան պողոտան՝ խոստանալով հակառակ պարագայում ուժ կիրառել, հայտնում է BBC-ի ռուսական ծառայությունը:
«Մենք կոչ ենք անում ձեզ լքել Բաղրամյան պողոտան, հակառակ դեպքում մենք կկիրառենք ֆիզիկական ուժ ու հատուկ միջոցներ»,-ասել է Երևանի փոխոստիկանապետ Վալերի Օսիպյանը:
BBC-ի ռուսական ծառայությունը հայտնում է նաև, որ ցուցարարների ու ոստիկանության միջև «կենդանի պատ» են կազմել քաղաքական, կրոնական ու հասարակական գործիչները, շոու բիզնեսի ներկայացուցիչները:
Նշվում է, որ ցուցարարների միայն փոքր մասն է հեռացել Բաղրամյան պողոտայից ու տեղափոխվել հարակից Ազատության հրապարակ:
