Երևանում երեկ անցկացվել է ամենամարդաշատ ակցիան. «Էխո Մոսկվի»
«Էխո Մոսկվի» ռադիոկայանը, անդրադառնալով երևանյան ցույցերին, հայտնում է, որ երևանյան երեկվա ցույցերը եղել են ամենազանգվածայինը՝ բողոքի ցույցերն սկսելուց ի վեր:
Քաղաքի կենտրոնում հավաքվել էր մինչև 10 հազար մարդ, ավելացել էր նաև սաղավարտերով ու մահակներով ոստիկանների թիվը, որոնք պաշտպանում էին դեպի Հայաստանի խորհրդարան ու նախագահական նստավայր տանող ճանապարհները:
«Ամեն ինչ անցավ առանց բախումների, թեև ոստիկանությունը ձերբակալել է ատրճանակով մի տղամարդու»,-հայտնում է ռադիոկայանը՝ հղում կատարելով RBK-ին:
