Ռուսաստանի ֆուտբոլի միության գործկոմը ելույթ է ունեցել այն բանի օգտին, որ Ֆաբիո Կապելլոն մնա հավաքականի մարզչի պաշտոնում
Ռուսաստանի ֆուտբոլի միության ընդհանուր կարծիքն իտալացի մարզչի օգտին է:
Հերթական նիստի շրջանակներում գործկոմը հանդես եկավ այն բանի համար, որպեսզի Ռուսաստանի ազգային հավաքականի գլխավոր մարզիչը շարունակի աշխատել իր պաշտոնում:
Այդ մասին Ռուսաստանի ֆուտբոլի միության աղբյուրը հայտնել է ՌԻԱ «Նովոստիին»:
«Ֆաբիո Կապելլոյի հարցի շուրջ այդքան էլ երկար ժամանակ չտրամադրվեց, քանի որ Ռուսաստանի ֆուտբոլի միության գործկոմը չի կարող որոշում կայացնել, նա կարող է միայն հայտնել իր կարծիքը: Ընդհանուր դիտքորոշումն այնպիսին էր, որ գործկոմի բոլոր անդամները գտնում են, որ Կապելլոն պետք է շարունակի իր աշխատանքը: Թե վերջնականում ինչպիսի որոշում կկայացվի, դա արդեն միության ղեկավարության գործն է»,- հայտարարել է գործակալության զրուցակիցը:
Ռուսաստանի ֆուտբոլի միությունը հունիսի 17-ին հայտարարել էր, որ Կապելլոյի` Ռուսաստանի ազգային հավաքականի գլխավոր մարզչի պաշտոնից հեռացնելու հարցը կքննարկվի միության առաջիկա կոլեգիալ մարմնի նիստի ժամանակ:
Պատրաստեց Անի Գաբուզյանը
