Պաշտոնական. «Լիվերպուլը» պայմանագիր է ստորագրել Ֆիրմինոյի հետ
«Հոֆենհայմի» նախկին կիսապաշտպանը կարիերան կշարունակի Անգլիայի Պրեմիեր լիգայում:
23-ամյա բրազիլացի ֆուտբոլիստ Ռոբերտո Ֆիրմինոն համաձայնել է երկարաժամկետ պայմանագիր ստորագրել ակումբի հետ. հայտնում է «կարմիրների» պաշտոնական կայքը:
Ֆուտբոլիստը Կոպա Ամերիկայից հետո բժշկական զննության կենթարկվի, և այդ ժամանակ էլ կստորագրվի պայմանագիրը:
Ֆիրմինոն տեղափոխվել է «Հոֆենհայմ» 2010թ. դեկտեմբերին: Այս ժամանակաընթացքում ֆուբոլիստը մասնակցել է 151 հանդիպման և խփել է 47 գնդակ:
Այսօրվա դրությամբ՝ ֆուտբոլիստը Բրազիլիայի հավաքականի կազմում մասնակցել է 9 հանդիպման և խփել է 4 գնդակ:
Պատրաստեց Անի Գաբուզյանը
