ՌԴ-ն առաջնորդվելու է փոխադարձության սկզբունքով. Պեսկովը՝ պատժամիջոցների երկարաձգման մասին
Մոսկվան ԵՄ հակառուսական պատժամիջոցները, որոնց երկարաձգման մասին այսօր հայտնել էր ԵՄ խորհուրդը, համարում է անհիմն ու անօրինական, Ռուսաստանն էլ առաջնորդվելու է փոխադարձության սկզբունքով, լրագրողներին հայտնել է Ռուսաստանի նախագահ Վլադիմիր Պուտինի մամլո քարտուղար Դմիտրի Պեսկովը: Այս մասին հայտնում է RIA Novosti-ն:
«Մենք բազմիցս ասել ենք, որ այստեղ ինչ-որ նոր բան չկա: Պատժամիջոցների հարցում փոխադարձության սկզբունքը մեր մոտեցման հիմքն է: Ռուսաստանը, բնականաբար, այդ պատժամիջոցները չհիմնավորված, անօրինական է համարում ու մենք երբեք չենք եղել պատժամիջոցների նախաձեռնողներ»,-ասել է Պեսկովը:
