Եվրախումբը հայտարարել է եվրոգոտուց Հունաստանի դուրս գալու հնարավորության մասին
Եվրոգոտու ֆինանսների նախարարների խորհուրդը (Եվրախումբ) երեկ կայացած նիստում այդպես էլ համաձայնության չի եկել Հունաստանի հետ բարեփոխումների ծրագրի վերաբերյալ՝ որպես փոխզիջման վերջնաժամկետ սահմանելով հունիսի 30-ը:
Վերջիններս չեն բացառել, որ Հունաստանը կարող է լքել եվրոգոտին, հայտնում է RIA Novosti-ն:
Հունաստանը կարող է թույլ տալ եվրոգոտում առաջին սուվերեն դեֆոլտը, քանի որ երկիրը հունիսի 30-ին պետք է վճարում կատարի ԱՄՀ-ին, ինչպես նաև ԵԿԲ-ին՝ հուլիսին ու օգոստոսին, հայտնել են վերլուծաբանները:
Ընդ որում՝ Եվրահանձնաժողովը չի աշխատում Հունաստանը եվրոգոտու կազմից դուրս բերելու ուղղությամբ, հայտնել է ԵՄ ղեկավարությանը մոտ կանգնած աղբյուրը:
