ԱԺ-ում արագ-արագ օրինագծեր են ընդունվում
Այսօր ԱԺ արտահերթ նիստում «Զինծառայողների և նրանց ընտանիքների անդամների սոցիալական ապահովության մասին», «Թափոնների մասին» ՀՀ օրենքում փոփոխություններ և լրացումներ կատարելու մասին օրինագծերն ընդունվեց երկրորդ ընթերցմամբ, իսկ «ՀՀ Տավուշի մարզի Դիլիջան քաղաքային համայնքի և հարակից տարածքների զարգացման և ներդրումների խրախուսման մասին» օրինագիծն՝ առաջին ընթերցմամբ:
ԲՀԿ պատգամավոր Միքայել Մելքումյանը հայտարարեց, որ խմբակցությունն ունի 4 լուրջ մտահոգություններ՝ նոր ստեղծվող ընկերությունների և գործող ձեռնարկությունների միջև անհավասար մրցակցային միջավայր է ստեղծվում, ապօրինի շինությունները, որոնց կառուցողները արտերկրում են, վերադառնալով տեսնում են, որ սեփականացվել են, հարկատեսակներից ազատումն էլ կոնկրետ պետք է գրվի և, եթե անսանապահությամբ ու բուսաբուծությամբ զբաղվելը սահմանափակում են, ապա պետք է այլընտրանք տրվի մարդկանց:
