ԵՄ-ն կես տարով երկարեցրել է Ռուսաստանի դեմ պատժամիջոցները
ԵՄ երկրները համաձայնել են երկարեցնել Ռուսաստանի դեմ տնտեսական պատժամիջոցները Ուկրաինայի ճգնաժամի հարցում Մոսկվայի ունեցած դերի պատճառով, հայտնում է BBC-ի ռուսական ծառայությունը՝ վկայակոչելով ԵՄ-ում իր աղբյուրներին:
Որոշումը կայացվել է ԵՄ բոլոր 28 անդամ երկրների մշտական ներկայացուցիչների կողմից, որոնք, ինչպես նշվում է, համաձայնության են եկել փաստաթղթի ձևակերպումների հարցի վերաբերյալ, որը նախատեսում է հուլիսի 1-ից մինչև ընթացիկ տարեվերջ պատժամիջոցների երկարաձգում:
Փաստաթուղթը դեռ պետք է հավանության արժանանա երկուշաբթի օրը ԵՄ անդամ երկրների արտգործնախարարների կողմից, սակայն ինչպես սպասվում է, դա միայն ձևականություն է ու այն առանց քննարկումների կհաստատվի:
