Վատիկանում կստեղծվի բռնության ենթարկված երեխաների գործերը քննող տրիբունալ
Հռոմի պապ Ֆրանցիսկոսը հավանություն է տվել հատուկ տրիբունալի ստեղծմանը, որի խնդիրն է քննել այն եպիսկոպոսների գործերը, ովքեր կփորձեն թաքցնել երեխաների դեմ իրենց ենթակաների գործած սեքսուալ հանցագործությունների մասին ճշմարտությունը, հայտնում է BBC- ի ռուսական ծառայությունը:
Ավելի վաղ նման մարմին ստեղծել խորհուրդ էր տվել վերջերս ձևավորված խորհուրդը, որը քննում է հոգևորականների կողմից սեքսուալ բռնությունների բողոքները:
Նման տրիբունալի ստեղծման անհրաժեշտությունը բացատրվել է տուժածների ու նրանց ազգականների մշտական բողոքներով, ովքեր պնդում են, թե եպիսկոպոսները այնքան էլ ուշադրություն չեն դարձնում իրենց ենթակայության տակ գտնվող հոգևոր սպասավորների հանցագործությունների կանխարգելման հարցին:
Ավելի վաղ Վատիկանը բազմիցս հայտնվել է սկանդալի կենտրոնում կաթոլիկ եկեղեցու առանձին սպասավորների կողմից մանկահասակ երեխաներին պղծելու մեղադրանքների պատճառով:
