Նիկոլայ Բասկովին 150 հազար եվրո արժողությամբ ձեռնոց են նվիրել
Նիկոլայ Բասկովն օրերս զարմանալի նվեր է ստացել: Երգչին ձեռնոց են նվիրել՝ պատրաստված թանկարժեք քարերից, հայտնում է starslife.ru-ն:
Հիմա տենորը բեմում կփայլի ոչ միայն իր պիջակներով, այլև օրիգինալ աքսեսուարով: Նվերը պատրաստված է վարդագույն ոսկուց ու զարդարված է 17 կարատ կշռող 382 ադամանդներով: Այն գնահատվում է 150 հազար եվրո:
Պարզվել է, որ նման շռայլ նվերի հեղինակը ամերիկացի ոսկերիչ Ջեյքոբ Արաբոյի կինն է, ում պատկանում է Jacob&Co բրենդը:
Արաբոյին արտերկրում համարում են կուլտային դիզայներ՝ նրա զարդերը կրում են Դևիդ Բեքհեմը, Մադոննան, ռեփեր 50 Cent-ն ու այլ աստղեր:
«Ես վաղուց եմ ընկերություն անում Ջեյքոբի կնոջ՝ Անջելայի հետ ու ինձ անչափ հաճելի էր նման ուշադրությունը»,-ասել է երգիչը:
