Քիմ Քարդաշյանը բացառիկ նվեր է արել ամուսնուն
Քիմ Քարդաշյանը ամուսնու ծննդյան տարեդարձին հիանալի նվեր է արել՝ նվիրելով Լոս Անջելեսում գտնվող Staples Center մարզահամալիրի բանալիները, հայտնում է TMZ պորտալը:
Երեկ աշխարհահռչակ ռեփերը դարձավ 38 տարեկան, ու Քիմը նրան անակնկալ մատուցելու համար 1 օրով վարձակալեց Lakers ու Clippers բասկետբոլային ակումբների մարզադահլիճը, որ Քանյեն կարողանա իր ծննդյան օրը բասկետբոլ խաղալ ընկերների հետ:
Նման շքեղ նվերը Քիմին արժեցել է 110 հազար դոլար, սակայն ամենատպավորիչը եղել է հյուրերի ցանկը՝ NBA-ի աստղեր Ռասել Վեսթբրուք ու Ջոն Ուոլ, երգիչ Ջասթին Բիբեր, ռեփեր Tyga: Խաղն սկսելուց առաջ երգիչ Ջոն Լեջենդը երգել է ազգային հիմնը:
