Կրակոցներ՝ Բաղանիս գյուղի ուղղությամբ
Անցած գիշեր հայ-ադրբեջանական սահմանն անհանգիստ է եղել: Հակառակորդը խախտել է հրադադարի պահպանման ռեժիմը Նոյեմբերյանի հատվածում: Կեսգիշերին մոտ կրակել են Տավուշի մարզի Բաղանիս համայնքի ուղղությամբ:
Գյուղապետ Նարեկ Սահակյանը ֆեյսբուքյան իր էջում հրապարակել է լուսանկարներ, որտեղ երեւում է, որ Բաղանիսում բնակիչներին նյութական վնասներ են պատճառվել: Կոտրվել են լուսամուտների ու դռների ապակիներ:
Զոհերի եւ վիրավորների մասին տեղեկություններ չեն հաղորդվում:
