Թուրքիան խորհրդակցության նպատակով հետ է կանչել Բրազիլիայում իր դեսպանին
Թուրքիան խորհրդակցության նպատակով հետ է կանչել Բրազիլիայում իր դեսպանին այն բանից հետո, երբ երկրի խորհրդարանը ընդունել է 1915թ. Օսմանյան Թուրքիայում Հայոց ցեղասպանության մասին բանաձևը:
Այս մասին հայտնում է RIA Novosti-ն՝ հղում կատարելով Թուրքիայի ԱԳՆ-ի երեկ տարածած հայտարարությանը:
Հիշեցնենք, որ Բրազիլիայի Սենատը մայիսի վերջին ընդունել էր Օսմանյան կայսրությունում Հայոց ցեղասպանության մասին բանաձևը:
«Իրավաբանորեն ոչինչ չարժեցող Բրազիլիայի Սենատի որոշումը, որը խեղաթյուրում է 1915թ. իրադարձությունների մասին ճշմարտությունը, ընդունվել է հայկական լոբբիի ազդեցությամբ: Թուրքիայի տեսակետը այդ հարցի վերաբերյալ հաղորդվել է Անկարայում Բրազիլիայի դեսպանին, իսկ Բրազիլիայում Թուրքիայի դեսպան Հուսեին Դիրիոզը հետ է կանչվել Անկարա խորհրդատվությունների նպատակով»,-ասվում է Թուրքիայի ԱԳՆ-ի հայտարարության մեջ:
