Մերկելը սպառնացել է Պուտինին
Գերմանիայի կանցլեր Անգելա Մերկելը G7 գագաթաժողովի արդյունքում հայտարարել է,թե «Մեծ յոթնյակի» ղեկավարները քննարկել են Ռուսաստանին Ղրիմի միացման հարցը ու խոստացել են ուժեղացնել Ռուսաստանի նկատմամբ պատժամիջոցները, հայտնում է Reuters-ը:
Գերմանիայի կառավարության ղեկավարի խոսքով՝ դա կարող է տեղի ունենալ Ուկրաինայի արևելքում կոնֆլիկտի թեժացման դեպքում:
«Մենք պատրաստ ենք գնալ դրան, եթե անհրաժեշտ լինի: Ճիշտն ասած, մենք չենք ցանկանում ուժեղացնել պատժամիջոցները»,-ասել է Մերկելը:
Ընդ որում՝ նա նշել է, որ Ուկրաինայում կոնֆլիկտը հնարավոր է լուծել միայն քաղաքական ճանապարհով, խաղաղ կարգավորման հիմքում պետք է ընկած լինեն Մինսկի պայմանավորվածությունները: Դրա հետ, ըստ Մերկելի, համաձայն են G7-ի բոլոր ղեկավարները:
«Մեծ յոթնյակը» կարիք ունի Ռուսաստանի հետ համագործակցության միջազգային կոնֆլիկտները լուծելու համար»,- հավելել է կանցլերը:
