Պուտինը շնորհավորել է Էրդողանին
Ռուսաստանի նախագահ Վլադիմիր Պուտինը շնորհավորել է Թուրքիայի նախագահ Ռեջեփ Թայիփ Էրդողանին Թուրքիայի խորհրդարանական ընտրություններում «Արդարություն և զարգացում» կուսակցության տարած հաղթանակի կապակցությամբ:
Այս մասին հայտնում է rbc.ru-ն՝ հղում կատարելով Կրեմլի մամլո ծառայությանը:
Պուտինի ու Էրդողանի միջև հեռախոսազրույցը կայացել է Պուտինի նախաձեռնությամբ:
Երկու երկրների ղեկավարները քննարկել են Ռուսաստանի ու Թուրքիայի միջև գոյություն ունեցող գործընկերային հարցեր, անդրադարձ է կատարվել էներգետիկայի ոլորտում խոշոր համատեղ նախագծերին:
Երկու երկրների նախագահները պայմանավորվել են շարունակել ինստենսիվ անձնական շփումները:
Կիրակի անցկացված խորհրդանական ընտրությունների արդյունքում «Արդարություն և զարգացում» կուսակցությունը հավաքել է ձայների 41 տոկոսը, ինչը թույլ կտա կուսակցությանը Թուրքիայի խորհրդարանում ունենալ 258 տեղ:
