Ադրբեջանում գլխատել են կին գյուղապետին ու գնդակահարել ամուսնուն
Ադրբեջանում այսօր գլխատել են Աբշերոնի շրջանի Սարայի ավանի գյուղապետ Վասիլյա Աբիլհասանովային, ով այսօր կդառնար 39 տարեկան, հաղորդում է haqqin.az-ը:
Հաղորդվում է, որ ամուսինները սպանվել են իրենց սեփական տանը: Աբիլհասանովային գլխատել են, իսկ ամուսնուն՝ գնդակահարել, ապա այրել տունն ու հեռացել: Հայտնի է, որ
Աբիլհասանովան եղել է Facebook-յան ակտիվ օգտատեր:
Անցկացված օպերատիվ-հետախուզական միջոցառումների արդյունքում ձերբակալվել է սպանության մեջ կասկածվող անձը, ով Սարայի ավանի բնակիչ, 35-ամյա Ֆեդայի Գյուլօղլան Հուսեյնովն է:
Ստեղծվել է հատուկ քննչական խումբ, որը պետք է հետաքննի հանցագործությունը:
