Մաշայի դերակատարը երեխաներին կոչ արեց հատուկ շնորհակալություն հայտնել Գալուստ Սահակյանին
Այսօր՝ հունիսի 1-ին՝ Երեխաների պաշտպանության միջազգային օրվա առթիվ Ազգային ժողովի բակում ընդունելություն է կազմակերպվել: ԱԺ-ն բացել է դարպասները և հյուրընկալել մանուկներին: Երեխաներին զվարճացնում են համերգային շոու-ներկայացումը, էկզոտարիումը, տարբեր խաղերը, կա նաև անվճար հյուրասիրություն:
ԱԺ նախագահ Գալուստ Սահակյանը լրագրողների հետ զրույցում վստահություն հայտնեց, որ երկրի խնդիրները օր-օրի կփոխվեն և երջանիկ ապագա կունենան երեխաները. «Մեր ազգային բնավորության կեցվածքն է՝ ամեն ինչ անել երեխաների համար»:
Ի դեպ, Մաշայի դերակատարը երեխաներին կոչ արեց հատուկ շնորհակալություն հայտնել ԱԺ նախագահ Գալուստ Սահակյանին:
