Ադրբեջանական ընդդիմության հանրահավաքը Բաքվում կանցկացվի մայիսի 30-ին
Haqqin.az պորտալի փոխանցմամբ՝ ընդդիմադիր Ազգային խորհուրդն իր հերթական հանրահավաքը նշանակել է մայիսի 30-ին: Այս մասին հայտարարել է «Ժողովրդական ճակատ» կուսակցության փոխնախագահ Ֆուադ Գահրամանլին:
Նրա խոսքերով՝ տվյալ հարցը քննարկվել է Ազգային խորհրդի Կոորդինացիոն կենտրոնի այսօրվա հավաքում և որոշվել է հանրահավաքն անցկացնել մայիսի 30-ին: Ընդդիմադիր գործիչը հավելել է, որ Բաքվի գործադիր իշխանություններն արտոնել են իրենց այդ հանրահավաքը:
Այն Բաքվում կանցկացվի մայիսի 30-ին, ժամը 15.00-17.00-ին:
