«Իսլամական պետությունը» պլանավորում է միջուկային զենք ստանալ Պակիստանից. մամուլ
Բրիտանական The Independent թերթի փոխանցմամբ՝ «Իսլամական պետություն» կազմակերպությունը քարոզչական միջոցներով հայտարարություն է տարածել, որ առաջիկա 12 ամսում տեսականորեն կարող է միջուկային զենք ստանալ Պակիստանից:
Ընդգծվում է, որ ԻՊ-ն իր բանկային հաշվեհամարի վրա ունի միլիարդավոր դոլարներ, ինչը նրան հնարավորություն է ընձեռում կոռումպացված պաշտոնյաներին մոտ կանգնած մարդկանց միջոցով Պակիստանից գնել միջուկային զենք:
Բրիտանացի լրագրող Ջոն Քենթլին կարծում է, որ նման սցենարը ներկայումս ավելի հավանական է թվում, քան մեկ տարի առաջ, և, որ այդ սցենարը կլինի աշխարհի երկրների հետախուզությունների համար ամենամեծ սարսափը:
