Բաժիններ՝

Դդումով, գազարով և ծաղկակաղամբով ապուր

Համեղ և խյուսանման այս ապուրը հրաշալի ճաշ է հատկապես ձմռան ամիսներին պատրաստելու համար: Ապուրի թե՛ համը, թե՛ բույրն ուղղակի հրաշալի են: Այս սննդարար ապուրը պատրաստելու համար ձեզանից կպահանջվեն հետևյալ բաղադրիչները՝

  • 1 ծաղկակաղամբ (միջին չափի)
  • 4 գազար
  • 200գ դդում
  • 1 գլուխ սոխ
  • Մի փոքր թթվասեր
  • Ձիթայուղ
  • Աղ և պղպեղ
  • Փոքր փունջ մաղադանոս
  • Արգանակ (եփած մսի ջուր, մսաջուր (բուլյոն))

Պատրաստման ժամանակը՝ 10-15րոպե:

Ծաղկակաղամբը, գազարներն ու դդումը կտրատեք փոքր քառակուսիներով: Մանր կտրատած սոխը  տապակեք ձիթայուղի մեջ՝ որոշ ժամանակ: Ավելացրեք բանջարեղենները և արգանակը:  Խառնուրդը եփեք ցածր կրակի վրա՝ մինչև բանջարեղենը փափկի, դրանք տեղավորեք բլենդերի մեջ և լավ հարեք: Ապա լավ հարած բանջարեղենը վերադարձրեք նույն կաթսայի մեջ, ավելացրեք թթվասերը, համեմեք:

Բարի ախորժակ:

Կարդացեք նաև

Նյութը հրապարակման պատրաստեց Լիլիթ Հարությունյանը

 

 

Բաժիններ՝

Տեսանյութեր

Լրահոս