Երիկամների բորբոքումն ու դրա բուժումը
Երիկամների բորբոքումները կարող են հանգեցնել նեֆրիտի: Սուր նեֆրիտը կարող է զարգանալ հիմնականում անգինայից, սրված քրոնիկ տոնզիլիտից, վերին շնչուղիների հիվանդություններից, թոքերի բորբոքումներից և դիֆթերիայից հետո:
Սրված նեֆրիտի նախանշաններն են՝ մեզի բաղադրության փոփոխություն, այտուցներ և արյան բարձր ճնշում: Քրոնիկ նեֆրիտի ժամանակ հիվանդության նախանշաններն արտահայտված չեն: Միզաքարային, շագանակագեղձի և որովայնի ստորին օրգանների հիվանդությունների դեպքում միզուղին ճնշվում , և տեղի է ունենում երիկամների ավազանի լայնացում կամ երիկամային այլ փոփոխություններ:
Երիկամների և դրանց ավազանի բորբոքումները կարող են զարգանալ՝ որպես առանձին հիվանդություն կամ միզասեռական համակարգի այլ հիվանդությունների ֆոնի վրա, օրինակ՝ շագանակագեղձի ադենոմայի, միզաքարային հիվանդությունների, ինչպես նաև՝ մի շարք այլ ինֆեկցիոն հիվանդությունների բարդացումների:
Բաղադրատոմսեր
Սուր և քրոնիկ նեֆրիտների ժամանակ 40գ կտավատի սերմերը խառնեք 30գ եզնարգելի (стальник) և 30գ սպիտակ կեչու տերևներին: Խառնուրդին ավելացրեք 1 բաժակ սառը ջուր և թողեք թրմվի 6 ժամ, ապա ցածր կրակի վրա եփեք 5 րոպե և քամեք: Խմեք օրական 3 անգամ՝ 1/3 բաժակի չափով:
Երիկամների հիվանդությունների դեպքում 5լ ջրի մեջ եփեք մորու խոշոր արմատն այնքան, մինչև թուրմի կեսը գոլորշիանա: Խմեք օրական 3անգամ՝ 100գ:
Քրոնիկ նեֆրիտի ժամանակ 30գ գիհու պտուղները խառնեք 30գ սերկևիլի սերմերի հետ, վրան 1 բաժակ եռացրած ջուր լցրեք, դրեք կրակի վրա, եռացրեք և ցածր կրակի վրա 20րոպե տաքացրեք, թողեք թրմվի 1-2թ/գ և քամեք: Օրվա մեջ մի քանի անգամ խմեք:
Նյութը հրապարակման պատրաստեց Լիլիթ Հարությունյանը
