Ռիգայի գագաթաժողովի հռչակագրում խոսք չի գնալու ԵՄ-ին անդամակցելու մասին. մամուլ
Euobserver առցանց թերթի փոխանցմամբ` Ռիգայում ընթացող «Արևելյան գործընկերության» գագաթաժողովի հռչակագրի նախագծում խոսք չի գնալու ԵՄ-ին Հայաստանի, Ուկրաինայի, Մոլդովայի, Բելառուսի, Վրաստանի ու Ադրբեջանի անդամակցության հնարավորության մասին:
Գագաթաժողովի հռչակագրում հայտարարվելու է, որ գագաթաժողովի մասնակիցները ճանաչում են շահագրգիռ գործընկերների եվրոպական ընտրությունն ու եվրոպական ձգտումները` առանց ապագա անդամակցության հեռանկարների հիշատակման:
ԵՄ-ի ղեկավարությանը մոտ կանգնած լրատվամիջոցի աղբյուրը հայտնել է, որ ԵՄ-ի առաջնորդները թեև Ռիգայում հասկացնել են տվել, որ ներկայումս չի դիտարկվում «Արևելյան գործընկերության» մասնակիցների հաշվին ԵՄ-ի ընդլայնման հարցը, այնուամենայնիվ նրանք ոչինչ չեն բացառում երկարաժամկետ հեռանկարում:
