Ռիգայի գագաթաժողովում կստորագրվի Ուկրաինային 1.8 միլիարդ եվրոյի ֆինանսական օգնություն հատկացնելու մասին պայմանագիր
Լատվիական LETA լրատվական գործակալության փոխանցմամբ՝ մայիսի 21-22-ին Ռիգայում տեղի է ունենալու ԵՄ-ի «Արևելյան գործընկերության» ծրագրին մասնակից երկրների գագաթաժողովը:
Պլանավորված է դրա ժամանակ պայմանագրեր ստորագրել Ուկրաինային 1.8 միլիարդ եվրոյի ֆինանսական օգնություն ցուցաբերելու վերաբերյալ: Այդ միջոցները կուղղվեն Ուկրաինայի տնտեսության կայունացմանն ու բարեփոխումների ծրագրի իրագործմանը:
Ընթացիկ տարվա հունվարի 8-ին Եվրոպական հանձնաժողովը հայտարարեց, որ պատրաստ է Ուկրաինային տրամադրել հավելյալ 1.8 միլիարդ եվրո օգնություն՝ միջնաժամկետ վարկի տեսքով: Եվրոպական հանձնաժողովն ընդգծել էր, որ օգնության նոր ծրագիրը կապված է լինելու Ուկրաինայում բարեփոխումներ անցկացնելու հետ:
