Դոնալդ Տուսկն ընդունել է Վրաստան այցելելու հրավերը
Грузия Online-ի փոխանցմամբ՝ Եվրոպական խորհրդի նախագահ Դոնալդ Տուսկն ընդունել է Թբիլիսի ու Բաթում այցելելու մասին Վրաստանի նախագահ Գեորգի Մարգվելաշվիլու հրավերը:
Բրյուսելում տեղի ունեցած համատեղ մամուլի ասուլիսի ժամանակ Մարգվելաշվիլին հայտարարել է. «Ինձ համար պատիվ է իմ լավ ընկերոջը Վրաստանը հրավիրելը:
Մենք ձեզ սպասում ենք Թբիլիսիում և ոչ միայն Թբիլիսիում՝ ձեզ հետ կիսելու համար այն ողջ առաջընթացը, որին մեր երկրում հասել ենք մենք: Ես ուրախ եմ, որ դուք ընդունել եք այդ առաջարկը: Մենք Տուսկին ընդունելու ենք Թբիլիսիում ու Բաթումում»:
Տուսկն իր հերթին հայտարարել է, որ հաճույքով է ընդունել Վրաստան այցելելու հրավերը:
