Պեսկովն արձագանքել է Դոնեցկի օդանավակայանի մասին Պորոշենկոյի հայտարարությանը
Ռուսական РИА Новости լրատվական գործակալության փոխանցմամբ՝ Ռուսաստանի նախագահի մամլո քարտուղար Դմիտրի Պեսկովը մեկնաբանել է Ուկրաինայի նախագահ Պյոտր Պորոշենկոյի այն հայտարարությանը, որն առնչվում է Դոնեցկի օդանավակայանը հետ վերցնելու մտադրությանը.
«Բնականաբար, դա հանդիսանում է մինսկյան պայմանավորվածությունների խախտում: Բնականաբար, դա խախտում է: Մենք քանիցս անձամբ ասել ենք, որ ուկրաինական կողմը չի կատարում մինսկյան պայմանավորվածությունների դրույթները»:
Ինքնահռչակ ԴԺՀ-ի մշտական ներկայացուցիչ Դենիս Պուշիլինն իր հերթին հայտարարել է, որ Պորոշենկոյի այդ հայտարարությունը հանդիսանում է ռազմական գործողություններ սկսելու կոչ:
