Դոնեցկի օդանավակայանն ազատագրվելու և վերականգնվելու է. Պորոշենկո
ZN.UA-ի փոխանցմամբ՝ Ուկրաինայի նախագահ Պյոտր Պորոշենկոն հայտարարել է, որ Դոնեցկի օդանավակայանն ազատագրվելու և վերականգնվելու է: Այս մասին հայտնել է Ուկրաինայի նախագահի մամլո ծառայությունը:
Վերջինիս հաղորդմամբ՝ Պորոշենկոն այդ հայտարարությունն արել է «Օդանավակայան» վավերագրական ֆիլմի նորամուտի ժամանակ, որից առաջ շփվել է զինվորների հետ, որոնք մասնակցել են Դոնեցկի միջազգային օդանավակայանի պաշտպանությանը.
«Ես չեմ կասկածում, որ մենք կազատագրենք օդանավակայանը, որովհետև դա մեր տարածքն է: Եվ մենք կվերականգնենք օդանավակայանը»: Ավելի վաղ լրատվամիջոցը հրապարակել էր մի փաստաթուղթ, որը վկայել է, որ Մինսկյան հուշագիրը Դոնեցկի օդանավակայանը հանձնել է ԴԺՀ-ի զինյալներին:
