Եվրոպայում ԱՄՆ ցամաքային զորքերի հրամանատարն այս շաբաթ կայցելի Ուկրաինա
Ուկրաինական UNIAN լրատվական գործակալության փոխանցմամբ՝ այս շաբաթ Ուկրաինա կայցելի ԱՄՆ զինված ուժերի պատվիրակությունը, որը գլխավորելու է Եվրոպայում ԱՄՆ ցամաքային զորքերի հրամանատար Ֆրեդերիկ Բեն Հոջեսը:
Այս մասին լրագրողների հետ ճեպազրույցում հայտարարել է Ուկրաինայի պաշտպանության նախարարության մամլո քարտուղար Վիկտորյա Կուշնիրը: Նրա խոսքերով՝ ամերիկյան պատվիրակությունն այցելելու է Ուկրաինայի Ցամաքային զորքերի ռազմական ակադեմիա, ուր նախապատրաստվում են մոբիլիզացված զինծառայողները:
Կուշնիրի խոսքերով՝ մոտ ժամանակներս Ուկրաինա կայցելեն ԱՄՆ ռազմածովային ուժերի ներկայացուցիչները և բրիտանական ուսումնական անձնակազմի պատվիրակությունը:
