Ղրղզստանն անդամակցել է ԵՏՄ-ին
Tengri News-ի փոխանցմամբ` Ղրղզստանն անդամակցել է ԵՏՄ-ին: Համապատասխան փաստաթուղթը ստորագրվել է ԵՏՄ-ի անդամ երկրների ղեկավարների կողմից: Ներկայումս Ղրղզստանի անդամակցության մասին արձանագրությունը պետք է վավերացվի ԵՏՄ անդամ երկրների խորհրդարանների կողմից:
Ղրղզստանի նախագահ Ալմազբեկ Աթամբաևը երեկ Մոսկվայում տեղի ունեցած Եվրասիական տնտեսական բարձրագույն խորհրդի նիստում հայտարարել է, որ իրենց համար խորհրդանշական և կարևոր է, որ Ղրղզստանը ԵՏՄ-ին անդամակցում է Հաղթանակի 70-ամյակի շեմին:
