Ստամբուլում մայիսմեկյան ցույցերի ժամանակ ձերբակալվել է 203 մարդ. կա 18 վիրավոր
Թուրքական Dünya Bülteni լրատվական կենտրոնի փոխանցմամբ` Ստամբուլում մայիսմեկյան բողոքի ակցիաների ժամանակ ձերբակալվել է 203 մարդ: Բացի այդ, վիրավորվել է 18 մարդ, որոնցից 6-ը ոստիկաններ են:
Այս մասին հայտարարել է Ստամբուլի նահանգապետ Վասիփ Շահինը: Տվյալ թեմայով պաշտոնական առաջին հայտարարությունը երեկ արել է Ստամբուլի ոստիկանապետ Սելամի Ալթընոքը, որի խոսքերով` ձերբակալվածների թիվը հասել էր 136-ի:
Ցուցարարների մոտ հայտնաբերվել ու առգրավել են 2 ձայնային ռումբ, 1 հրազենային զենք, 54 մոլոտովյան կոկտեյլ, 6 պարսատիկ, 5 ճայթռուկ և այլն:
