Ատոմակայանն այս տարի 6 ամսով կկանգնեցվի
Ատոմակայանի աշխատանքն այս տարի նախատեսվում է կանգնեցնել 6 ամսով, ինչը լուրջ հետևանքների կբերի: Այսօր ԱԺ նիստում ՀԾԿՀ 2015 թ. ծրագրի քննարկման ժամանակ այս մասին հայտարարեց հանձնաժողովի նախագահ Ռոբերտ Նազարյանը:
Ըստ նրա՝ ստիպված ենք լինելու այդ ընթացքում թանկ էլեկտրաէներգիա ձեռք բերել: «Հաշվարկներն՝ ինչ չափով, ինչքանով, ես թվային չեմ հնչեցնի: Դա պայմանավորված է դոլարի փոխարժեքից, գազի գնից և այլ գործոններից: Բայց որ դա լուրջ ազդեցություն կունենա, հաստատ է»,- ասաց ՀԾԿՀ նախագահը:
