Ինքնահռչակ ԴԺՀ-ը մտադիր է ածուխ մատակարարել դեպի Մերձավոր Արևելք ու Հյուսիսային Աֆրիկա
Gazeta.ru-ի փոխանցմամբ` ինքնահռչակ ԴԺՀ-ի իշխանությունները մտադիր են ածուխ մատակարարել Մերձավոր Արևելքի ու Հյուսիսային Աֆրիկայի երկրներին:
Այս մասին հայտարարել է ԴԺՀ-ի ղեկավարի ապարատին կից արդյունաբերության զարգացման ռազմավարության վարչության ղեկավար Եվգենի Լավրենովը: Նրա խոսքերով տվյալ նախագծի իրագործման հարցը կարող է լուծվել կարճ ժամանակում:
Լավրենովը հայտարարել է, որ եթե ձեռք բերվի համապատասխան պայմանավորվածություն, ապա ածուխը կարող է Իրան և Թուրքիա մատակարարվել Տագանռոգի նավահանգստի միջոցով:
