ԱՄՆ-ն ազգային անվտանգության համար տարեկան ծախսում է 1 տրիլիոն դոլար
Թուրքական Dünya Bülteni լրատվական կենտրոնի փոխանցմամբ` ԱՄՆ-ը յուրաքանչյու տարի ազգային անվտանգության ու հետախուզական գործունեության համար ծախսում է 1 տրիլիոն դոլար: ԱՄՆ-ն այդ ցուցանիշով առաջին տեղն է զբաղեցնում աշխարհում:
Եվ չնայած նրան, որ ԱՄՆ-ն անվտանգության համար ավելի շատ գումար է ծախսում, քան աշխարհի մյուս երկրները` չեն դադարում քննարկումներն այն մասին, թե արդյոք ԱՄՆ-ի քաղաքացիներն իրենց անվտանգ են զգում: Ընդ որում` ԱՄՆ-ն ամեն տարի մեծացնում է իր այդ ծախսերը:
ԱՄՆ-ի հետախուզական կառույցներում առկա է 17 դաշնային գործակալություն, որոնք զբաղվում են ազգային անվտանգությամբ, արտաքին հարաբերություններով, ներքին անվտանգությամբ ու իրավական պրակտիկայով:
