Դավիթ Սակվարելիձեն համաձայնվել է գլխավորել Ուկրաինայի Հակակոռուպցիոն բյուրոն
Новости-Грузия լրատվական գործակալության փոխանցմամբ՝ Վրաստանի գլխավոր դատախազի նախկին տեղակալ (Սաակաշվիլու ժամանակ), պատգամավոր Դավիթ Սակվարելիձեն անուղղակիորեն հաստատել է, որ համաձայնվել է գլխավորել Ուկրաինայի Հակակոռուպցիոն բյուրոն:
Ուկրաինական մի շարք ԶԼՄ-ների տվյալներով ավելի վաղ այդ պաշտոնից հրաժարվել է Վրաստանի նախկին նախագահ Միխեիլ Սաակաշվիլին: Ոչ պաշտոնական տեղեկություններով՝ նոր պաշտոնում Սակվարելիձեի տեղակալներ կդառնան Վրաստանի արդարադատության նախկին նախարար Զուրաբ Ադեիշվիլին և Գիզո Ուգլավան:
Հայտնի է նաև, որ Սակվարելիձեն արդեն իսկ դիմում է ներկայացրել՝ Ուկրաինայի քաղաքացիություն ստանալու համար:
