Պորոշենկոն Մինսկում պահանջելու է անհապաղ ու անխոս հրադադարի հաստատում

Lenta.ru-ի փոխանցմամբ՝ Ուկրաինայի նախագահ Պյոտր Պորոշենկոն մտադիր է մեկնել Մինսկ, որպեսզի անհապաղ, առանց նախապայմանների ձեռք բերվի հրադադար ու սկսվի քաղաքական երկխոսություն: Պորոշենկոն այդ հայտարարությունն արել է Կրամատորսկ կատարած այցի ժամանակ.

«Մենք պահանջում ենք առանց նախապայմանների խաղաղություն: Մենք պահանջում ենք կանգնեցնել կրակը, դուրս բերել օտար զորքերը, փակել սահմանը: Նրանք այստեղ անելիք չունեն:

Մենք չունենք որևէ հակամարտություն: Մենք փոխզիջում կգտնենք երկրի ներսում: Մենք պետք է պաշտպանենք խաղաղությունը, պետք է պաշտպանենք Ուկրաինան: Մենք ինքներս կլուծենք այդ հարցը»: