Փրկարարները մեքենաներ են դուրս բերել ձնակույտից
Փետրվարի 6-ին, ժամը 17.58-ին ահազանգ է ստացվել, որ Գեղարքունիքի մարզի Սևան քաղաքի «Ախթամար» հուշարձանի մոտակայքում «Վոլգա» մակնիշի ավտոմեքենան արգելափակվել է ձնակույտում. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարները «Ախթամար» հյուրանոցային համալիրի մոտակայքից արգելափակումից դուրս են բերել «ԳԱԶ 3105» մակնիշի 04 SS 949 պ/հ (վարորդ Մ. Ս., ծնվ. 1968թ.) ավտոմեքենան (1 ուղևոր):
***
Փետրվարի 6-ին, ժամը 15.57-ին ահազանգ է ստացվել, որ Արագածոտնի մարզի Նիգավան գյուղի մոտակայքում ավտոմեքենաներն արգելափակվել են ձնակույտում. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Հրշեջ-փրկարարներն Ապարան-Նիգավան ավտոճանապարհի 7-րդ կմ-ում արգելափակումից դուրս են բերել 8 ավտոմեքենա (8 ուղևոր):
