Օբաման կդիտարկի Ուկրաինային սպառազինություն մատակարարելու հարցը. Ջոշ Էռնեստ

Բրիտանական Reuters լրատվական գործակալության փոխանցմամբ՝ ԱՄՆ նախագահ Բարաք Օբաման հաշվի կառնի Պենտագոնի ղեկավարի թեկնածու Էշթոն Քարտերի առաջարկը՝ կապված Ուկրաինային սպառազինություն մատակարարելու հետ: Այս մասին երեկ հայտնել է Սպիտակ տան մամլո քարտուղար Ջոշ Էռնեստը:

Նրա խոսքերով՝ Օբաման արժևորում է Քարտերի կարծիքը և հաշվի կառնի այն իր հետագա որոշումներում: Միևնույն ժամանակ Սպիտակ տան խոսնակը բացառել է Ուկրաինային այնպիսի ծավալով սպառազինություն մատակարարելու հնարավորությունը, որ նրա բանակը հասցվի ռուսականի մակարդակին:

Ավելի վաղ Քարտերը հայտարարել էր, որ անհրաժեշտ է սպառազինություն մատակարարել Ուկրաինայի կառավարությանը: