Մոսկվայում հայտնաբերվել է հասարակաց տուն, որտեղ մարմնավաճառները հայտնի մարդկանց կանայք են (տեսանյութ)
Մոսկվայի քրեական հետախուզության աշխատակիցները հունվարի 31-ի գիշերը Մոսկվայի Սադովայա-Սամոտեչնայա փողոցի վրա հայտնաբերել են յուրօրինակ հասարակաց տուն: Իրավապահ մարմինների տեղեկացմամբ՝ այդ հասարակաց տանն աշխատում էին միայն որոշակի շրջանակներում հայտնի ազդեցիկ մարդկանց կանայք:
Հատուկ գործողությունների ժամանակ հետախույզները ձերբակալել են 3 մարմնավաճառների, որոնց խոսքերով` հասարակաց տանն աշխատում են ընդհամենը 10 մարմնավաճաառներ:
Ապօրինի բիզնեսով զբաղվողները կանանց ընտրում էին նրբանկատորեն՝ աշխատանքի վերցնելով միայն լավ համբավ ունեցող մարդկանց կանանց: Այս պահի դրությամբ բոլոր աղջիկները վարչական պատասխանատվության են ենթարկվել՝ ապօրինի մարմնավաճառությամբ զբաղվելու համար:
Ներքին գործերի նախարարության քրեական հետախուզության մամուլի ծառայության ներկայացուցիչ Մարգարիտա Մասլովայի խոսքերով` այս հասարակաց տունը տարբերվում է նրանով, որ այնտեղ աշխատում են միայն լավ համբավ ունեցող մարդկանց կանայք.
«Աղջիկների խոսքերով` իրենք ամեն շաբաթ բուժզննում էին անցնում, իսկ իրենց առողջության մասին անձամբ հոգում էր այսպես կոչված՝ «մամկան»,-ասել է Մասլովան:
Այժմ իրավապահները որոնում են այս անօրինական բիզնեսի կազմակերպիչներին: Հասարակաց տուն պահելու համար նրանց հասնում է մինչև 5 տարի ազատազրկում:
Աղբյուրը՝ crimerussia.ru
Նյութը հրապարակման պատրաստեց Լիլիթ Հարությունյանը
