Ացախում գործող հյուրանոցների թիվը հասնում է 42-ի
Ացախում գործող հյուրանոցների թիվը հասնում է 42-ի, այս մասին հայտնել է ԼՂՀ ԿԱ Զբոսաշրջության եւ պատմական միջավայրի պահպանության վարչության պետ Սերգեյ Շահվերդյանը՝ օրերս կայացած մամուլի ասուլիսի ժամանակ:
Վարչության պետի խոսքով՝ դրանք հիմնականում տեղակայված են Ստեփանակերտում եւ Շուշիում եւ ի վիճակի են ընդունել շուրջ 1200 հյուրի, որը լիովին բավարարում է հյուրերի քանակին:
«Այս տարի զբոսաշրջության բնագավառում հպարտանալու բան չունենք»,- նշել է Սերգեյ Շահվերդյանը, հավելելով, որ հանրապետությունում այնուամենայնիվ շարունակվել են զբոսաշրջային գոտիներում կատարվող բարեկարգման եւ ուսումնասիրման աշխատանքները։
«Ամբողջությամբ ավարտել ենք «Տաք ջուր» եւ «Տնջրե ծառ» զբոսաշրջավայրի բարեկարգման աշխատանքները, եւ նշված վայրերում պատրաստ են այցելուներ ընդունել»։
Տողի մելիքական ապարանքի տարածքում է աշխատանքներ իրականացվել:
