Լուկաշենկոն պլանավորել է ապրիլին ժամանել Վրաստան
Ռուսական РИА Новости լրատվական գործակալության փոխանցմամբ՝ Բելառուսի նախագահ Ալեքսանդր Լուկաշենկոն պլանավորել է ապրիլին այցելել Վրաստան: Ակնկալվում է, որ նա կհանդիպի իր վրացի գործընկերոջ հետ:
Այս մասին այսօր Մինսկում Վրաց-բելառուսական տնտեսական համագործակցության հանձնաժողովի նիստի ժամանակ հայտարարել է Բելառուսի գյուղատնտեսության նախարար Լեոնիդ Զայացը.
«Նշանակալից իրադարձությունը կգրանցվի ապրիլին, Վրաստանում տեղի կունենա երկու երկրների նախագահների հանդիպումը»: Նա վրացական պատվիրակութանն առաջարկել է քննարկել տնտեսական երկկողմ զարգացման ակտիվացման ուղղությամբ քայլեր:
Նախարարն ընդգծել է, որ դրա մակարդակը չի կարող գոհացնել կողմերին, քանի որ այն չի համապատասխանում երկու երկրի պոտենցիալին:
