Եգիպտական դատարանը «Մուսուլման եղբայրների» 183 համակիրների դատապարտել է մահվան
Բրիտանական Reuters լրատվական գործակալության փոխանցմամբ՝ եգիպտական դատարանը երկրում ահաբեկչական հռչակված ու արգելված «Մուսուլման եղբայրներ» 183 համակիրների դատապարտել է մահվան՝ նրանց մեղադրելով ոստիկաններ սպանելու մեջ:
Հետաքննության տվյալներով՝ այդ անձինք որոշակի դերակատարություն են ունցել 2013 թվականի օգոստոսին Կարդաս քաղաքում 16 ոստիկանի սպանության գործընթացում: 34 մարդ հեռակա կարգով է դատապարտվել մահվան:
2013 թվականին Եգիպտոսի նախագահ Մոհամմեդ Մուրսիի պաշտոնանկությունից հետո ազատազրկման են դատապարտվել «Մուսուլման եղբայրների» հազարավոր կողմնակիցներ: