Վերաքննիչ դատարանը հրապարակեց Շանթ Հարությունյանի և մյուսների գործով որոշումը
Վերաքննիչ դատարանը քիչ առաջ հրապարակեց Շանթ Հարությունյանի և մյուսների գործով որոշումը: Դատարանը մերժեց գործով 14 ամբաստանյալների պաշտպաների բողոքը և օրինական ուժի թողեց Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավճիռը:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավճիռով՝ գործով ամբաստանյալները մեղավոր էին ճանաչվել խուլիգանության կատարման մեջ և դատապարտվել 1-7 տարվա ազատազրկման: Միայն ամբաստանյալներից երկուսը՝ Մկրտիր Հովհաննիսյանն ու Ալբերտ Մարգարյանն արդարցվել էին իշխանության ներկայացուցչի նկատմամբ բռնություն գործադրելու մեղադրանքում:
Նշենք, որ այսօր վերաքննիչ դատարանում որոշման հրապարակմանը մասնակցում էր նաև «Ժառանգություն« կուսակցության առաջնորդ Րաֆֆի Հովհաննիսյանը: Վերջինս որոշման հրապարակումից հետո ասաց. «Ո՛չ հանուն Հայաստանի Հանարպետության»:
