Թուրքիան կամաց-կամաց շարժվում է դեպի հստակ ուղի. Մահչուփյան
Թուրքական Haber Türk թերթին տված հարցազրույցի ժամանակ Թուրքիայի վարչապետ Ահմեթ Դավութօղլուի գլխավոր խորհրդական Էթյեն Մահչուփյանը, ի թիվս այլ հարցերի, անդրադարձել է նաև հայ-թուրքական հարաբերությունների կարգավորման խնդրին:
Մահչուփյանն այդ պլանում հիշատակել է նախորդ տարվա (Էրդողանի) «ցավակցական ուղերձը» և այս տարի Հրանտ Դինքի սպանության տարելիցի կապակցությամբ (Դավութօղլուի) կոչը. «Թուրքիան կամաց-կամաց շարժվում է դեպի հստակ ուղի: Անկախ միջպետական հարաբերություններից՝ թուրքերի պահվածքի տեսանկյունից կա դրական դինամիկա»:
